自製酵素(1)

2012年7月27日

食過藥後，病情顯著受控，人都精神曬，近一年時常生病，確實對自己的健康情況要提高警惕。做過body check一切正常，安心的是沒有大問題，這些小病小痛惟有靠加強抵抗力入手。開始做天灸係第一步，今日整酵素係第二步。知道酵素係睇大少奶的blog，酵素對身體有許多好處，上網可search到不少資料，今次自家整酵素亦係跟大少奶的blog。


早前已經買定／留定玻璃樽摘日開工，一懶散又過了經幾個星期。上星期媽媽在舅舅家摘了好多龍眼回港，我拎了一些回家，因為生病食不了，掉又太浪費，就決定用來整酵素，既然要整就整多啲。


檸檬及冰糖係基本材料。


第一炮－龍眼肉ｘ奇異金果；第二炮－士多啤梨

 剛完成的樣子，每樽約重500g；水果約重320g；冰糖約重180g。

17個小時後的樣子，部份糖已經溶化，由一樽滿變成剩下半樽，非常厲害，好期待2星期後的成品，有了早前浸梅蜜酒的經驗，今次有信心會成功的。