【包餅工房】P仔 - 牛奶胚芽麵包

2011年12月13日

跟"我愛麵包機"書內的牛奶胚芽麵包食譜，用軟吐司mode，分量一樣不過材料有少少改動，砂糖改為有機楓蜜，食譜內沒有提子跟紅莓，今次自己手動加提子跟紅莓乾，下次可以試自動投料的function。

軟吐司mode整一機麵包需時4小時20分鐘，又係晚上12點幾麵包先出爐。下次要試用預約程式，早上起床時麵包才出爐咁就perfect喇。

其實不應該即食出爐麵包，因為酵母的殘餘味道可能仍未散去，就咁放嚿包在廚房攤涼一個晚上，今早仍然好軟熟，同埋感覺好健康，一點添加劑都沒有，完全是食穀物的原味。