Project U - 瓷磚(1)

2012年8月26日

下午去了砵蘭街睇門、磚、門鎖&潔具。最難攪肯定係磚，花款多價錢距離大，又沒有什麼牌子做reference，其他如電器、潔具，先決定牌子，再係該牌子內挑選，簡單多了。

大陸磚、西班牙磚、意大利磚，價錢由幾十到幾百。木紋磚、光身磚、啞色磚各種質感，再加上由淺至深的不同顏色，如果冇心水，要揀都幾困難。

最大開眼介的係睇到Hello Kitty瓷磚，好靚，如果我係Hello Kitty的fans，我一定喜歡。

客廳的窗因為景觀一般，會用窗簾遮擋，令到客廳光線麻麻，所以會挑近白色的磚，令間屋望上去較光猛。SA介紹方塊大磚已經興了多年，依家較流行長方型大塊磚或長條型的木紋磚。減少複雜性，全屋除了浴室外，會用同一款磚(包括Open Kitchen)，所以地磚的選擇太重要，影響全屋的觀感。CF未有用磚量的資料，未計到個budget，所以今日都係去逛下認識大概的情況。浴室想feminine啲，但沒有睇到合心水的，所以話如果我係Hello Kitty的fans就易辦好多。