病人餐

2012年1月30日

一個人生病最慘就係病都要張羅早午晚三餐，唔想換衫落樓買飯，唯有係雪櫃摷，係冰箱清出一隻春雞、二塊豬扒、十隻雞翼，豬扒用糖豉油麻油醃好、雞翼用基本醃料加mustard醃，醃好就去食藥午睡，瞓醒就將食物用錫紙分開包好，同時放入焗爐焗25分鐘。這個做法最省氣力，又唔要睇火，再煮個意粉加2大匙意粉醬攪均煮熱上碟，呢個份量足夠頂2-3餐。

雖然生病都不可以白白糟蹋一只春雞，用剩下的2磚南乳加蒜蓉搗碎後，用手捽均雞全身，醃一個下午，後放入焗爐焗40分鐘。

今次醫生開的全是眼瞓藥，醃好所有肉後就食藥跟住去午睡夢周公，飯前全放入焗爐，省卻睇火的功夫。呢盤菜又可以頂一日。

病時應該食啲簡單的食物，偏偏家裡就缺乏材料，呢啲都係病之前諗好的做法，冇力氣再諗點樣配搭家裡有的食材，惟有硬著頭皮根據之前諗好的然後將做法盡量簡化。

睇落好豐富，其實並不需要花許多時間去處理，當然如果能多花時間將細節做好，出來的味道會更好，不過實在沒有精力，只求有飯開。