今次比賽好緊張，有幾個原因(1)上星期日最後一次長課跑50個圈，左膝蓋同右脛骨勁痛，好擔心係咪受傷，同埋是否趕得及復原，而且50個圈跟半馬的賽程仍差一點點。(2) 因為要搭4:15am的專車入迪迪尼，前一晚幾乎沒有瞓覺，早餐只食了一片麵包。就因為只吃了一片麵包，咁就出事了。
去到會場才4:40am，天還未光，今天天氣大好。
開跑前有小小肚餓，如果開跑前食嘢又唔係咁好，所以最後都係諗住小小餓冇問題忍一忍就好了。點知開跑後胃就開始痛，之後痛的範圍開始擴大到腹部，去到每個水站都有飲水希望可以舒緩情況，可惜作用不大，最終係腸胃痛足整個比賽足足2個半小時有多，到最後5公里更係屋漏偏逢連夜雨，右腹開始好似盲腸炎個隻橫隔膜痛，橫隔膜痛我之前都有試過，通常減慢速度就會冇事，去到最後3km因為我知道最後3km就算用走路都可以在大會指定時間內完成，所以冇勉強自己一定要用跑的去完成，停下步行不過橫隔膜痛都冇任何舒緩，最後3km都係在小跑一段又步行一段的情況下完成，今次係在雙重痛楚夾擊下完成，能完成已經謝天謝地。
身體上從未試過咁痛，由胃影響橫隔膜，真要好好找出原因，我想不一定只是早餐食不夠的問題。要早點找出問題才可對症下藥，還有2個月就是渣打半馬，不想再重蹈覆轍。
依家坐下來寫blog，大力呼吸仍有輕微痛的感覺。咁大個人未試過咁慘，今次都係意志力搭救，幾次都想去救護站求救，不過去得救護站就等同放棄，而且幾次經過救護站見到佢地都只係有血壓計同損傷的救護用品，好似解決不了我的問題，所以最後都係決定死都係返終點至死。
今次經驗提醒我一定要帶energy gel或朱古力係身以備不時之需。如果有帶今次應該不會死得咁慘。
官方時間：
晶片個人時間：02:37:49
首10km分段時間：01:11:59
沒有留言:
發佈留言