2013初伏

2013年7月13日

今日really busy，早上食完個靚靚早餐，之後去出新電話，下晝去做天灸，晚上整韓國人蔘雞湯。

去citysuper巡時發現呢樽青檸汁，look for呢類product好耐，加soda water就係好好味的lime soda，super爽，又唔係好高cal，要讚吓自己呢個係good pick，整泰國或東南亞菜式時常常要加青檸汁，如果唔記得買新鮮青檸，用呢個替代絕冇問題。

用自家製麵包整西多士做早餐，冇用好多油，都好好味，加agave nectar代替糖漿冇咁heavy。

今年轉了去另一個地方做天灸，不過跟去年差不多，都係貼了6個穴位，下次中伏係7月23日。

今年初伏係星期六，有時間可以跟足韓國習俗在初伏食用人蔘雞湯，咁熱既日子進補好似唔合理，但去了幾次韓國，當地人真的會在今天食人蔘雞，韓國人的concept係咁熱既日子會出好多汗(尤其在古時冇冷氣)，出得汗多人的身體就會虛，因此在虛弱的時候進食溫補的人蔘雞，補充身體流失的營養。

我buy呢個concept，反正人蔘雞好易整，只係要花點時間煮，材料：春雞一隻(我用超市的法國黃油春雞)、新鮮人蔘一支(大超市有賣)、去核紅棗數粒、糯米隨意(塞滿雞腔)。洗淨雞腔，用牙籤封好尾部，將所有材料塞入雞腔內，塞好後頸部入口同樣用牙籤封好，將雞放入高速煲，加水蓋過雞背，煮45分鐘(即明火3小時)食時加小小米酒入湯內(正宗做法係加人蔘酒，屋企冇就用日本米酒頂替）。

再另煮個韓國幼麵一起食，之前係韓國專誠買個人蔘雞用湯碗，不過個碗太細裝不下隻雞，個賣相差了小小，食時可以用豉油或鹽調味。我呢個版本係最基本的版本，其實仲可以加杞子、栗子等等，不過屋企冇存貨，整唔到個加料版本。