生日飯

2009年1月15日 今日一班朋友同我慶祝生日，不過今日唔係我既正日生日，過年前大家都好忙，要約齊人出來仲要就埋係正日真係好難，之不過我係一個easy going既人，係唔係正日不是問題，有冇生日蛋糕都唔係問題，最最緊要人馬齊全，咁先至玩得開心。天寒地凍又一大班人冇野好過去食火鍋，我地去左青衣城個間稻香，係荃灣稻香打過幾次邊爐，對佢地食物質素都唔會有乜期望，不過唔知係因為青衣城個場好啲，定係一大班人熱熱鬧鬧既關係，今次啲食物又幾ok，啲牛唔係好差都食得吓。

＊＊＊＊＊＊＊＊＊＊＊＊＊＊＊

回顧過去一年家裡的幾件大事：年初有２位長輩離世，姪女係４月出世，５月份自己終於放完長假期重新投入工作，上月仔仔離開了我，外婆現時病重。去年對我來說是動盪的一年，經歷了生老病死，縱使理性上明白這是一個不息的循環，但當事情發生在身邊時在感性上又是另一回事，讓我更深切體會到平淡是福，所以今年的生日願望是希望身邊既所有人身體健康，可以平淡的過著幸福滿溢的每一天。