Project U - Day 11 泥水進場&安裝鋁窗

2012年10月19日

今朝係屋內撞見泥水師傅，樣貌身材似瘦版倪匡，之前電工師傅又係咁上下，呢批師傅個個望落都好正路。今日做了些打底工作，對泥水一竅不通只見廚房跟浴室敷咗層泥上面。

地下用磚初步放了砌牆的範圍

今天大發現係鋁窗已經換好。水電煤窗完成，之後就集中火力泥水，泥水後就係木工。以現時的進度可能唔需要2個月個工程就完結。

廳隻窗要預位放窗外分體機，變成大細窗。

細房每邊有一扇窗，仍未諗到家具如何擺位

主人房，呢個窗係用隔音玻璃，希望有寧靜的睡眠環境。

回想有些慶幸之前俾個師傅放飛機，因為之前既師傅只做水電泥水，鋁窗、煤氣、木工我都要另外搵師傅做，當時都幾頭痕，又要另搵師傅又諗要點樣去co-ordinate幾個parties，師傅放飛機後，搵到呢一間個判頭/PM提供所有服務，減少我好多麻煩。有時哩啲錢唔慳得真係要俾人賺。

 廚房的窗戶好細，嘆氣！

浴室的窗，影相技巧太差，sori。

啲窗咁大隻，要考慮是否裝上窗花以保障鐘點工人抹窗時的安全。
更換40厚料鋁窗連防水英泥修口及外牆搭棚：HK$20,800

另，明天星期六收磁磚，星期一收浴缸，下星期應該進入泥水大直路。

同PM反映熱毛巾架個socket太高，佢死撐話唔高，即係要我硬食！！？？