Project U - Day 8 屎渠 & 電工(3)

2012年10月16日

今日師傅攪條屎渠，點解咁清楚，因為係office接到Project Manager的whatsApp我話個渠口唔係浴缸同地櫃之間既正中間，渠口側埋一邊會影響廁所的安裝。

另外，入屋個段屎渠係生鐵，師傅話將來好易漏水。PM仲whatsApp埋啲手繪圖跟相片我睇，咁好明顯就係要換過新既，回覆PM叫師傅即時報價，索價$1,800即覆go ahead，呢啲咁既情況，基本上係冇乜得選擇，在價錢唔係太離譜的情況下，不如快快脆脆答應等師傅們快啲攪掂好過。

點解圖中左上好似係發泡膠???師傅嘭嘭聲就鑿開幅外牆換渠。

另外電工的進度良好，PM下晝打電話來問幾件廚房大食電器的電壓，Electrolux焗爐係新model，香港的網站冇資料，英國的網站又冇寫，惟有打電話去代理商大昌行product hotline處問，結果係焗爐跟電磁爐都係20A，其餘的除了冷氣外都係13A。

有Project Manager係現場監工，進度即刻快好多，室內冷熱水銅喉開始鋪設，由廚房到浴室一段整得7788。 

更換入牆冷、熱食水包膠銅喉：HK$9,800

 由鞋櫃至梳化背的一段喉管駁好，已經封番口。

 由電視牆至梳化背的喇叭線喉都攪掂，地面已封番英泥。

  梳化背

 泥水師傅未開工，尚未砌幅新牆，不過電工師傅照拉定喉管。

 屎渠尚未整好，應該係未買到新渠更換。

 電工完成了廚房及客廳的大部份，今日應該做浴室及房間。

 冷熱水銅喉剛鋪到入浴室。

主人房入門口的一幅牆，其實收$500一個掣位唔可以叫好貴，就好似呢個插蘇位，收$500但就要鑿一大段坑去藏喉及拉電線，功夫都唔少。

 主人房仍未開始鑿坑藏喉，今日應該做到呢part。

冇牌子名的電線。

 聽聞銅喉應該係澳洲或英國出產的品質比較好，不過睇落呢支唔似係澳洲或英國出囉。

 左邊喉管應該係屋外入水，右邊係輸水至浴室，應該仲有一條係熱水由浴室出廚房。

 上天下地都係喉管

每天上去現場影吓相片睇吓進度，雖然冇師傅在場講解，但都睇到跟學到唔少嘢。

另外PM夜晚打電話來話主人房分體機出喉位用唔到隔音玻璃，問我一係鑿牆一係用普通玻璃，我話一定唔鑿牆，鑿牆個位好礙眼管理處一定睇到，肯定有手尾跟，叫佢再諗諗點攪塊玻璃，後尾佢覆我話安排到係塊雙層玻璃處開孔，問題解決，有時都要交番個波俾PM。