上星期同朋友係荃灣食台式牛肉麵，碗麵得3塊牛腱1個關廟麵，菜都冇一條咁就盛惠HK$40+，最差係3塊牛腱都好韌，就因為咁今日自己動手整紅燒牛肉，用番上次個菜譜，牛腱牛筋各一斤，用真空煲煮30分鐘，出來肉夠“淋”之餘又不會散掉剛剛好。
用iherb買的organic番茄粉整番茄湯底，1個關廟麵，幾條青菜，簡單又營養齊全的晚餐。
2012年2月23日星期四
【包餅工房】P仔 - 綠茶牛奶吐司
2012年2月23日
繼續整包包同清理家中材料，幾個月前係南豐7樓買了綠茶粉，一直得個擺字，今晚用來整方包，用預設程式明早8:20麵包出爐。
用了10g，有色又有味，麵粉用價真X新返的泰國粉，平到笑1KG都係HK$12，1KG可以整4機包。
計計埋埋整一機一斤既方包成本都係HK$5-6，年中省不少$$，最重要係自家麵包冇乜乜物物的添加劑，食得健康啲。
依家行過麵包舖都係睇下有乜麵包款式可以參考，唔洗再係外邊買包包。
2012年2月22日星期三
【包餅工房】P仔 - Pizza
2012年2月22日
第一次用P仔整Pizza麵糰，一次可以整到一個大pizza或者2個小pizza。如果整薄片pizza就可以整到3個小pizza(直徑約20cm)。
將麵粉等麵糰材料放入p仔，45分鐘後麵糰完成，由機內取出麵糰，將麵糰分2份，用麵糰棍造型，之後放上pizza材料，最後放入預熱200度的焗爐，烤20分鐘便完成。
今日的pizza材料有：菠蘿、莎樂美腸、番茄pasta醬(Classico呢隻醬不單止整pasta好味，用來做pizza topping一樣掂)及pizza芝士。
2012年2月19日星期日
【包餅工房】P仔 - 麥包
2012年2月19日
昨天係ccsuper買了全麥粉，HK$30+有1.5kg，對比日本麵粉呢隻加拿大麵粉又唔算好貴。
出爐麥包
之前諗住落重牛奶，麵包可以軟滑啲，點知原來弄巧成拙，包包一直發得不高，今日改為1/3牛奶，2/3水反而發得好好有16cm高，同埋一樣咁軟熟。
2012年2月18日星期六
乾果零食物語
2012年2月18日
今早係Conrad聽seminar，難得出城，當然要四圍逛。之前係iherb買了些organic乾果零食，係ccsuper見到有得賣，第一時間梗係睇吓有冇買貴貨，一看之下，嘩嘩嘩ccsuper食水好深啫。
上次我係iherb買了下面3樣乾果，ccsuper的價錢起碼貴50%-75%。
organic calimyrna figs - iherb:US$4.76 (折港紙7.8再加30%運費都係HK$48); ccsuper: HK$74
organic apricots - iherb價:US$3.23 (折港紙7.8再加30%運費都係HK$33); ccsuper: HK$52
organic raisins - iherb價:US$2.37 (折港紙7.8再加30%運費都係HK$24); ccsuper: HK$42
之前唔知道iherb係咁抵買，今次跟ccsuper比較過，對iherb既好感和接受度大大提升。
2012年2月18日 煮飯週記
2012年2月18日
恃住有跑步，近半年都沒有注意體重，最近上磅，體重增加了不少，自己也嚇了一跳，開始要節制飲食。
星期二，清清地的西芹炒雞柳
星期三，消滅過年前係鏞記買的臘鴨脾，先爆香薑片去臘鴨脾的膻味，再煎10多分鐘煎出鴨脾的油份，下水及白蘿蔔煮半小時，煮出來的湯水是奶白色的，最後落冰糖及胡椒粉調味，因為鴨脾有鹹味，所以不用落鹽。
再encore焗葡國雞飯，呢一大碟葡國雞飯可以食足一個星期，係今個星期的午餐。
要控制體重，離不開雜菜湯，早餐午餐正常，晚餐改為雜菜湯＋homemade bread，今星期的homemade bread係牛奶胚芽方包。
2012年2月11日星期六
2012年2月9日星期四
Concert YY
2012年2月9日
昨日有門票睇黃偉文的紅館concert，個concert係第一場，超好睇，冇花巧野，歌星啲衫全部係靚嘢，Wyman冇廢嗡佢既sharing俾你感受到親切，歌星唱得落力，因為係第一場有估唔到咁多既巨星撐場，打頭陣有鐡胆容祖兒，之後有黃耀明、薜海琪、蘇永康、李蕙敏、何韻詩、陳奕迅、張敬軒、盧巧音、彭羚、鄭秀文等等。
陳奕迅係encore前最後一個唱，Eason撐住支拐杖出場己經令全場好high，佢唱完一直諗邊個出來唱encore，不久就響起小玩意的前奏，全場氣氛進一步升溫，彭羚穿的Lavin好靚。彭羚唱完我已經好滿足，估不到壓軸的壓軸係鄭秀文，直情係special bonus。全場最後以黃耀明、薜海琪、蘇永康、何韻詩、陳奕迅、容祖兒+Wyman的合唱作結尾。11:45pm散場，非常之好睇又抵睇的concert。聽聞六場場場都有唔同的歌星同歌曲，睇得一場真係唔係幾夠喉。不過陳慧琳因為生仔大過天應該唔會演出。
全場換得最多衫係容祖兒，而佢著的Valentino件件都好靚。
2012年2月7日星期二
砂鍋雲吞雞
2012年2月7日
一直係度諗，點樣可消滅件金華火腿，今日突然想整砂鍋雲吞雞，下班即刻去超市買餸：半隻雞、半棵旺菜、灣仔碼頭水餃，加上金華火腿。
煲一鍋水用2片薑先將半隻雞汆去血水，將去皮雞件、大半旺菜、金華火腿及水放入高壓煲，水浸過所有材料，用高壓煲煮20分鐘。
再煲一鍋水，將剩下旺菜、水餃及關廟麵分別燙熟。雞鍋煮好後再將剩下的旺菜及水餃放入，再煮滾後可以上桌，因為金華火腿有鹹味，所以沒有再加任何調味，關廟麵以雞湯做湯底另上。
第一次下鍋的旺菜已經煮到差不多融化，所以留了小部份旺菜最後才下鍋，令賣相好些，且可以有些菜食。
雞件燙熟後先去皮，後放入壓力煲以減少湯的油份。
冇加任何調味，可以嚐到材料本身的鮮味，關廟麵跟雞湯好搭yummy yummy。
2012年2月5日星期日
2小時48分41秒(大會晶片時間)
2012年2月5日
上星期感冒，感冒雖好番但仍然咳嗽，早一晚出街又唔好彩食了不潔食物急性腹瀉，抱著一副死死吓的身軀踏上賽道，但求在指定時間完成，希望不會令全家出動來幫我打氣的家人失望。全程以好保守同hea的策略來跑，總算平平安安的完成。
12點幾跑完，家姐請了大伙去清風街的悅鮨食日本菜，我點了個刺身定食，有牛肉、帶子、三文魚、甜蝦刺身等，yummy yummy，雙腳已經累到不行，出了一身汗，雖然換過上衣，仍然覺得很冷，為免再冷病，速速回家休息，結束這很值得記念的一天。mind over body。
訂閱：
文章 (Atom)