韓風料理班

2011年9月18日

坦白說，如果不是有折扣，我唔會用HK$350學整韓國菜，今次通過Groupon以HK$159去學3個韓國菜，而且包括我最想學的DIY泡菜才吸引到我出手。

1.5小時一堂，學3個韓國菜：DIY泡菜；韓式蘿蔔炆牛肋條；韓式炒粉絲。其中韓式蘿蔔炆牛肋條係示範菜，即係學員只係睇點樣整同試食。泡菜跟炒粉絲才是自己動手做，不過所謂自己做都係3個人share一份材料。

今日上堂時Samsung S2又冇電陣亡，又冇帶後備電，一張相片都拍不到，不過回家馬上買材料整炆牛肋條，出來的炆牛肋條跟上課的相似度有90%。　

(1) 韓式炒粉絲之前自己在家已經整過，係一味冇難度既菜式。

(2) DIY泡菜：這一小碗是帶回家的實習成品。

自己做飯最怕花大量時間洗洗切切，所以冇買菜既日子就係靠泡菜補充纖維，大超市賣的泡菜貴得可以，最平宜1KG要HK$70-80，可以支持到一星期。所以一直想學自己整泡菜，既可省錢又可以食少啲防腐劑。

(3) 韓式蘿蔔炆牛肋條

材料：加拿大牛肋條、洋蔥、白蘿蔔、甘筍、栗子、貢梨(半個刨成蓉)、乾蔥及薑；調味：醬油、米酒(我用了日式料理酒)、冰糖、水等。總共炆了2小時，出來時基本上所有牛肋骨都已經腍到差不多要散開。啲湯充滿濃濃的牛肉味，超正。

呢張係係網上search的韓國菜館賣的牛肋骨煲照片，不過佢地用大嚿牛肋骨，而我今次上堂係用牛肋條，下次我都要試下用大嚿牛肋骨。