關東煮+青檸梳打

2009年7月20日

呢個又係懶人餐:

1) 白蘿蔔批皮切約1吋厚, 加雞湯(蓋過蘿蔔)煮20分鐘至軟身;

2) 之後加獅子狗卷、嗚門卷、蟹柳、魚片頭、海帶及椰菜, 再煮沸, 落鹽調味即成。
3) 關東煮既沾醬: 本來是用味噌整沾醬, 不過屋企冇味噌就用泰國酸甜醬代替, 沾醬: 泰國酸甜醬+麻油+日本醬油+辣椒油+芝麻。

-->其實關東煮既材料可以好隨意, 基本上可以有乜放乜, 不過放既當然主要係日本既食材啦。同埋湯頭應該係用海帶或木魚肴湯, 不過時間關係, 我用chicken broth代替, 所以呢個係"仿"關東煮, 不算係真真正正既關東煮。

青檸梳打: 青檸1開2, 梳打水一罐, 冰糖糖水(1公升清水煲溶1包太古冰糖, 攤凍後入樽, 可以加係任何夏天既冰凍飲品內) 。將青檸略搾汁, 加梳打水, 再用糖水調至喜歡既甜味-->呢排咁熱, 飲完勁爽。