種有機菜 (6)

2014年9月20日

基礎班最後一課，接住的一個月冇導師指導自已打理塊田，一個月後再開始進階班。

8月31日去ccsuper買剪枝的以色列迷迭香，返家後選了6-7棵浸水，3個星期已經出好多根，今日擺棵係田，一棵放係家裡睇吓會有幾大分別。上2個星期收了一棵到手香，今日一併放在田用盆養，相信應比種在家裡好。

塊田開始漸見成績，芥菜已經可以採收，菜芯再長多一陣就要疏苗。

今日空出塊田的邊皮位置培苗，培了5棵西蘭花，10+棵紅菜頭。接住要培羅馬生菜.....忙碌的耕種季節開始，好期待。