Last Resort

2014年7月10日

用手工皂洗頭產生髮垢的問題，就算換了手工皂都未能100%解決，睇好多資料其原因都係圍繞係水、皂及頭髮的問題。攪了2個月問題終於係今日解決。

皂的問題

隻可樂果人蔘洗髮皂，可能潤得濟唔掂，換過另一隻阿原髮皂，有改善，再試另一集梘樸同阿原差不多，洗完都係仲有髮垢。

水的問題

http://yogasurprise.pixnet.net/blog/post/159457076-手工皂洗髮的柔亮秘訣　

就算跟呢個blogger的建議洗頭方法仍未能讓我解決髮垢問題，我要洗完好輕好爽的質感，水越硬就越易產生髮垢，唔知香港的自來水有幾硬，惟有想方設法將硬水變軟水，一search之下全部都係大工程，最終係Amazon USA搵到個最簡單的辦法，就係換一個有過濾器的花灑頭，花灑頭將金屬物質隔走，金屬物就不會跟肥皂泡結合成髮垢，呢個係last resort。不過個花灑頭變得好重手，要小心翼翼用，好怕個花灑頭由高處跌落，整爛個浴缸(我的擔心夠誇張的！)。

用了軟水髮垢係少了許多，但係仲存在！！！勁失望，好擔心自己把頭髮，點解身邊的朋友冇問題，只係自己有問題。

髮的問題

唔明身邊用手工皂洗頭的朋友冇髮垢的問題，她們跟我一樣用香港的自來水洗頭，點解只係我有問題，改埋用軟水都仲未解決到，我有認真的檢討，結果係我的頭髮又多又厚又比別人長，越多頭髮自然越容易卡住髮垢，唔通要我將頭髮剪到好薄同剪短去驗證是否屬實，我辛辛苦苦留一把又長又齊的曲髮，做咁多嘢都係想keep住呢把長髮，現在是一條都不能少。

再做research，其中睇到說髮量多可分part去洗，最終我將頭髮分開左右2邊洗，先洗一邊，再洗另一邊，分開2份，每份髮量少，易起泡又沖水快，因為過水快好重要，唔俾時間令髮垢黏著頭髮。用呢個方法終於洗完後差不多冇髮垢，吹乾後頭髮再沒有黏膩的手感。兜兜轉轉2個月終於搵到個問題癥結。