串燒

2014年7月23日

今個星期壓力滿滿，化壓力為食力，整好嘢食慰勞精神上的勞苦。

超正的雞肉串燒，雞肉先用鹽、糖、沙爹醬、香芧碎 (原支香芧用攪拌機打碎)撈勻，醃過夜。

自製加料沙爹醬：沙爹醬2大匙、豆瓣醬1大匙、椰汁一小盒、花生醬1大匙及椰絲一大匙，撈勻煮熱便成，呢個加料醬有2用，第一燒烤雞肉時的抹醬，第二為食時的沾醬。

串燒平排放入airfryer每邊10分鐘，2-3分鐘後掃上自製加料沙爹醬，10分鐘後反轉，之後再掃上沙爹醬，整條沙爹串燒保證超入味。

今次加入韓風元素，不僅僅是串燒，加入有機生菜，整生菜包肉，唔會啖啖肉咁油膩，食多啲菜感覺健康啲。

另一天的午餐，不同combination的Caesar Salad，今次有羅文生菜、些少紫菊苣Radicchio、提子乾、芝麻沙律醬、煙肉粒、芝士粒和松子仁。夏天食真的很正。