難得有一天全天有空在家自閉，一年裡面唔會有好多日有呢啲機會。通常呢啲時候就係我清雪櫃材料的cooking time。
跟youtube上Le Creuset的香菇滑雞煲仔飯教學，一向煮食時用料都係大手大腳，所以一定自行加料，除了香菇及雞件外，再加了臘腸、膶腸、黑木耳，調味除原有的再加上果皮、麻油、薑汁。飯用浸冬菇的水。
煮法跟youtube，因為材料多，舖滿整個16cm圓鍋，所以時間用多5分鐘。
加料的煲仔飯，除口感更豐富外，因用了浸冬菇水及果皮，整個煲仔飯的香氣提升了一個層次，最後再整多個甜味豉油，super yummy！！
下午茶是自家製豆漿(黑豆+黃豆)及韓國魷魚煎餅，煎餅係759買，煮法簡單由冰箱取出直接用鑊煎4分鐘便成，味道ok，一包2塊只賣HK$11.10，抵食。
沒有留言:
發佈留言