Project U - Day 53 油漆(7)

2012年12月8日

估不到油漆要花咁多時間，油漆師傅加油。今日電工師傅發功，安裝好全屋電掣面及完成燈槽的燈光安裝。

TV牆的電掣done。

視像門鈴，呢件都係淘寶貨，7吋彩色，在淘寶搵了很久才找到呢只電壓合適又不需拖變壓器，盛惠人民幣650，試用過好得。日後拆了封套再同佢影張靚仔相。

全個浴室都用銀色，襯番幅磚牆。

射燈裝好，大門口只有一粒燈掣，一按開關上排光管跟下排射燈就會全開完全沒有靈活性，如果想獨立的控制上下排，就必須增加燈掣。一組燈掣師傅收HK$500，未計面板，如果想再多點變化就要再增加燈掣，費用好大。

不過想信科技係令生活更美好，全靠勤力的在網上扒文，亦多得網友的無私分享，俾我知道原來有電燈遙控開關這玩意。再發揮多年淘寶淘好東西的功力，最後在淘寶淘了這個六路燈光控制系統，將燈具分成六組，每組燈具各自串聯在一起再駁入燈光控制器，然後就可用遙控去控制六組燈光的開關。

一開始將資料俾PM，PM都唔識呢樣野不過都願意嘗試，又一直擔心唔知電工師傅肯唔肯試，今日終於成功的整好，非常開心。既省下拉電線的錢又令燈光多了變化，整件事都係自己做search跟策劃，成功了真的有很大滿足感。

呢套系統花了人民幣450，好值得。