Project U - 裝修概念

2012年9月24日

由第一間屋到第二間屋，我對裝修的基本要求從未有改變，就係全屋底色要白色，所有入牆家具最好都係白色。

全用白色原因好簡單，間屋就等如一張畫紙，只有用白色的底色才能襯托出其他的家品，如果牆壁、櫃等已經有顏色，咁再加上梳化、地毯、其他飾品，除非配搭得很好，唔係好容易給人眼花撩亂的感覺，另外，時間一長睇悶咗，如果想轉間屋的tone，已有的顏色會限制了轉tone的自由度。

而且香港的屋普遍好細，細屋又用幾隻底色，光想像都頭痕。

什麼泰國風、田園風、黑白灰又並非我杯茶。

都係回到最基本的白色，加一點原木色傢俱，再用我敗返來的比較colorful的家品作點綴、盡量擴大屋的空間感－就是我的基本裝修理念。