韓國首爾Alpensia五天 - 第二天

2012年12月31日

今日繼續係首爾活動，早餐食粥：有海帶粥、鮑魚粥、黑豆粥、南瓜粥、鍋巴粥等。之後去UG BANG & 紫菜專賣廳。再去COEX、LOTTE DUTY FREE買雪花秀及后。
接著塞了一個多小時車入樂天世界，午餐自費，係樂天玩至16:45，然後食晚餐，首爾江南區除夕日塞車嚴重，出入樂天世界要一個多鐘。我冇去樂天世界，改去了樂天世界傍的樂天百貨及樂天mart逛商店及超市，買了剛進入季節的士多啤梨，又買了食過番尋味的韓國米等，可以係韓國超市帶回香港的貨品，其實大部份在香港已經可以買到，不需要自己辛苦的由韓國抬返香港，除了韓國米，因為韓國米只夠自給自足，沒有多餘的出口到外國，而且韓國米多有機種植，質量不會比日本差，日本自洩漏幅射後，對米的質量多小有影響，質量差不多倒不如食韓國米。

超市內韓牛跟韓國泡菜都好吸引，都係好東西，可惜不能帶回香港。

晚會食自助shabushabu。食完回酒店休息，問導遊有什麼地方for除夕倒數，導遊話天氣太凍冇咩戶外地方好似香港咁有倒數活動，一般都係酒吧或酒店等的消遣場所可能有活動，而且導遊怕我們截不到的士回酒店，又不懂跟的士司機講價，所以勸我地留係酒店。

我地一行12人惟有在房間提前以俄羅斯時間倒數，倒數後讓小朋友早早上床明天一早出發往平昌Alpensia。

好味的黑豆豆漿。

在大超市才買到的士多啤梨酸奶

韓國首爾Alpensia五天 - 第一天

2012年12月30日

今年第2次去韓國旅遊，上次係首爾＆濟洲島，今次是首爾& Alpensia滑雪渡假村。出發往首爾的航班delay了2個半小時，本來00:55改為3:35，到首爾已經7點幾。

先去梨泰園逛街，梨泰園10年前還可以到今時今日已經一點都不吸引，而且Seoul超凍，寧願在咖啡室飲杯熱咖啡都不想在街上蕩，呢個行程真的可以鏟走，行完就去食lunch，第一餐係人蔘燉雞，每次到韓國必吃。

然後去睇15:00開始的Drawing Show，內容跟前年睇過的一模一樣，但依然精彩，小朋友睇得最開懷。

睇完去earlier dinner，食魷魚＆豬肉燒。

食完dinner回酒店，住2晚 JW Marriott Seoul Hotel，5星酒店，不用多說房間大，酒店設備齊全，個GYM Room好impress，幾十部跑步機以橢圓形圍著透明玻璃，玻璃下是下層的遊泳池。雖然上一晚通宵，但6點多已經返到酒店休息，實在太早，去gym跑了半個小時，聊勝於無。

第一天完

Project U - 完成照(part 2)

2012年12月26日

今個假期主要仍係執屋，重災區當然係衣帽間＆雜物房，今次刻意將衣帽間的位置縮小，告誡自己現有的衫已經more than enough，唔好再亂買衫，如果多花心思mix & match其實係唔會覺得衣櫥永遠缺一件衫。書架亦縮細了1/4，現時好多資料都上網摷，以前儲落的資料都唔一定會再翻閱，咁不如將之回收。一個人居然有30+箱雜物，身外物太多了，俗語說貴精不貴多，趁今次精簡一下。

其實灰色撞粉紅色係幾ok


浴室：改間隔後的浴室，實用率大大提昇，放得下浴缸＆洗衣機，又有雜物櫃，更有大的工作枱，好滿意。
睡房：一把椅子、一張床、一部跑步機，睡房越簡單越好。

衣帽間＆雜物房：遷就房間的窗戶，Stolmen架由以前的L-shape，改為U-shape，收納空間減少了，掉了Stolmen的大櫃桶，另買三桶櫃放衣物。

搬屋日至今整整10多天都在收拾，累趴了。

最後埋單計數，裝修公司收了HK$220,000+，另外買料錢HK$70,000+。另傢俬電器約HK$100,000，整個Project U花掉差不多HK$400,000，跟我當初的預算HK$350,000超出了幾萬蚊，主要因為全部均留港消費，未有上大陸搵平價貨，小量物品在淘寶買，所以消費上升，不過尚算在可接受的範圍內。

幫裝修公司賣吓廣告：http://blog.yahoo.com/_S47MBW3RBR2V3FYNCUFQAJRED4/articles/1147571/index

Project U - 完成照(part 1)

2012年12月23日

PM要求新居拍照存檔，這個weekend先花時間先收拾好客廳、廚房及浴室讓他拍照。今次先上廳及廚房照。

電視櫃，背板做錯了！！冇法要照收貨。HK$3,890，收貨時個搬運工仲要攞茶錢！

窗簾最後做了日夜蜂巢簾。白天落紗，令光線透入。

客飯廳，本來有點擔心飯枱太大令空間有壓迫感，好在最後冇出現這個問題。一對藍色餐椅係aluminxxx免費借用，等Masters Chair返貨就會換走。

鋼琴＆梳化，再加上Hays的人手編織波波地毯(HK$3,600)。

Mini廚房&一人用吧枱，張吧凳由舊屋搬來，白色永遠都咁百搭。

實在太多玩具，個廚房已經被玩具霸佔了許多空間，已經覺得有小小迫狹，要再諗諗點佈局。基本上所有電器已經用過，除了焗爐跟洗衣機，今個假期要幫佢地開光。

好鍾意張餐枱及板凳。張lace桌旗係gmarket買，以為係白色，收到時至知係米色，都ok。

客廳、廚房及浴室以灰及白色為主色。

【敗物誌】WMF四人餐具

2012年12月18日

由知道要搬家開始，就停止了敗物(其實裝修係更攞命的一種敗物)，不過一年一度的thanksgiving又怎可只看不下手，這個連3M濾水器一起回港。
每逢有機會去高檔的飯店，都會八卦飯店用什麼餐具，西餐中見得最多的是WMF的不锈鋼餐具，足證呢個牌子既上得枱面又耐用。在香港SOGO WMF的餐具閒閒地都要過千，要買便宜貨，Amazon有多款選擇，我今次就敗了WMF4人餐具共20件，連運費約US$83。

Project U - Day 60 搬屋日

2012年12月15日

30個紙箱、5個掛衣箱、10多件小電器及什物、跑步機、床架、床褥、電視、鋼琴等，6位師傅2部貨車，搬屋費HK$3,000。

Stolmen架連拆及安裝HK$2,000，4位師傅用了差不多3個鐘才攪掂。師傅8:30到達，13:00完成離開。整個過程師傅們都好專業，人又nice，要比10個likes。

鐘點清潔阿姐8點開工，將地板洗擦乾淨，個地板終於可以靚仔的重見天日。不過接下去地板會比紙箱攻陷，下晝安排了窗簾安裝，今晚可以在新屋瞓番個好覺。

感激裝修公司在14日晚開工至晚上10時，趕工交番個場俾我。

為期60天的Project U終於完成，整個過程好順利，中間就算有問題都可以順利解決，而出來的效果自己好滿意。Project U雖然叫做完成，但仍要時間收執什物，另梳化、餐枱凳、地毯仍未收貨，希望聖誕節前可以真正的搞掂，間屋可以見人。

Project U - Day 59 最後衝剌

2012年12月14日

今日裝修公司安排了一位阿姐做全屋清潔，另外我就約了我用開的鐘點，由下晝開始加入清潔，希望可以今天內清潔好，讓明天可順利搬入。

早上第一件收的家具係雪櫃，跟著是洗衣機跟洗碗碟機，電磁爐中午到達，最後是焗爐。

電工師傅一早就開工安裝剩下的電掣，兼且幫我安裝電燈、電磁爐及焗爐等，另外，油漆師傅下晝開工做收尾工作。另外，裝修公司派員駐場做好所有收尾工作。

鋁天花做好。

雪櫃HK$5,190＆洗碗碟機HK$7,480

Electrolux的2頭電磁爐HK$6,150

Electrolux焗爐HK$11,800

自己砌的床頭板，師傅幫我打上牆。

金章洗衣機HK$4,300。

Project U - Day 58

2012年12月13日

今日下晝開始休假，開始為搬屋作準備。先去Megabox取燈，然後回家開始pack箱。

Project U - Day 57 安裝水龍頭及其他

2012年12月12日

今日油漆師傅冇開工，整水龍頭的師傅上場，安裝及接駁了水龍頭、濾水器、8”抽氣扇，搞定全屋要鑽孔上牆的accessories包括鏡櫃、廁紙架、熱毛巾架、抹手毛巾架、掛物鉤、浴缸扶手、浴簾通，個鏡櫃沒有任何損傷令我放下心頭大石。

浴室照，超混亂及污漕，不敢想像星期六搬入前，是否可完成清潔。

浴室鏡櫃，尚差未上門板。

Grohe浴室套裝盛惠HK$4,888

熱毛巾架，冬天的恩物，不過條電線應該係右下角出，來貨錯了變成左下角，應該辦退貨，師傅將隻架倒轉安裝就番個位，勉強接受。

跟水龍頭套裝一起買的廚房水龍頭，HK$1,888。左手邊3M濾水器，一開即可飲用。

枱底的濾水器，有2枝濾芯，如果安裝埋洗碗碟機，枱底更熱鬧。

Project U - Day 56 油漆(10) & 窗簾

2012年12月11日

師傅繼續油漆，合約寫上一層底油二層面油，但我想師傅不止上了二層面油，我見佢地用砂紙又磨又油，真的好費功夫。終於用了一個多星期油漆基本上完成，就差地腳線翻執。

今日order埋寬頻，用網上行300M光纖入屋，因為大廈只有這個速度offer，月費HK$238；2年合約，安裝費HK$680，回贈HK$300惠康Coupon。

窗簾最終放棄百頁門，幫襯屋苑附近的街坊窗簾舖做了日夜蜂巢簾，日簾用白紗，夜簾是灰色遮光料，盛惠HK$3,300。另，主人房安裝2條路軌，連工包料HK$660。

要買的東西基本上已搞定95%，餘下的就等搬完再算。

晚上花了2個鐘砌好張床板櫃。

Project U - Day 55 油漆(9) & 安裝抽油煙機

2012年12月10日

廚櫃終於搞掂，所有門板就位，不過俾我發現上翻平移門，師傅漏了安裝一個part，令門的開合不平衡，要跟進。

搞好門板就到裝抽油煙機，open kitchen必須要有一部強勁的抽油煙機，不然屋裡會烏煙瘴氣，所以揀了這部富士皇，盛惠HK$7,180。

為了清潔鐘點的安全，就算唔喜歡都要安裝窗花，人命比什麼都緊要。

今日去Ikea提貨，去前完全不知道床頭板係咁大件同好重，最後加錢俾街車的司機幫我搬去電梯口，然後自已搬回屋，係電梯內又好彩遇到個好心的阿叔，幫我將件嘢搬出電梯，最後自己出盡九牛二虎之力搬回家。個鏡櫃長4呎，件床頭板packing有8呎長。

睡房是淡粉紅色，衣帽間顏色近似tiffany blue。

Project U - Day 54 油漆(8)

2012年12月9日

冇諗過油漆師傅今日星期天照樣開工，無言感激。不過今日我都好勤力，香港九龍新界都走遍，先係新界打波。

之後過香港補買電掣。

再去九龍買廁紙架、毛巾架等等。

晚上去Megabox的Ikea及實惠，在實惠買Philips的燈飾，房燈有在淘寶睇過，的確好便宜，不過對大陸貨冇信心，舊居啲燈壞過幾次，怕怕，所以一早鎖定買Philips的燈飾，去過Home Square Philips的陳列室揀好想買的不過冇discount，Megabox的實惠有賣Philips的燈飾而且有打85折，咁當然係實惠買有著數。

Ikea好貼心知道新居入伙，寄給折扣卷，當然要好好運用，買了床頭板及一些小物。

另外係美國Amazon買的濾水器亦已速遞到。這隻濾水器係香港都有得賣，3M香港官網標價HK$5,016，但是我在美國Amazon網上買連回香港運費都只係US$292.95。一模一樣的東西價錢差一倍有夠誇張的，香港3M食水好深耶！

跑了一天累趴了。

Project U - Day 53 油漆(7)

2012年12月8日

估不到油漆要花咁多時間，油漆師傅加油。今日電工師傅發功，安裝好全屋電掣面及完成燈槽的燈光安裝。

TV牆的電掣done。

視像門鈴，呢件都係淘寶貨，7吋彩色，在淘寶搵了很久才找到呢只電壓合適又不需拖變壓器，盛惠人民幣650，試用過好得。日後拆了封套再同佢影張靚仔相。

全個浴室都用銀色，襯番幅磚牆。

射燈裝好，大門口只有一粒燈掣，一按開關上排光管跟下排射燈就會全開完全沒有靈活性，如果想獨立的控制上下排，就必須增加燈掣。一組燈掣師傅收HK$500，未計面板，如果想再多點變化就要再增加燈掣，費用好大。

不過想信科技係令生活更美好，全靠勤力的在網上扒文，亦多得網友的無私分享，俾我知道原來有電燈遙控開關這玩意。再發揮多年淘寶淘好東西的功力，最後在淘寶淘了這個六路燈光控制系統，將燈具分成六組，每組燈具各自串聯在一起再駁入燈光控制器，然後就可用遙控去控制六組燈光的開關。

一開始將資料俾PM，PM都唔識呢樣野不過都願意嘗試，又一直擔心唔知電工師傅肯唔肯試，今日終於成功的整好，非常開心。既省下拉電線的錢又令燈光多了變化，整件事都係自己做search跟策劃，成功了真的有很大滿足感。

呢套系統花了人民幣450，好值得。