除了基建外, 作為納稅人我享受得最多就是圖書館服務, 蝸居內已沒有地方容納書本, 而且值得珍藏既書少之又少, 看到很多家居雜誌內一大片放滿書籍的相片, 只覺打理超煩, 不覺得羨慕。
圖書館電子服務超正, 想睇書就進入圖書館網頁查找, 找到後可馬上預定, 當書送達我指定的圖書館後, 會有電郵通知取書 。
如果圖書館沒有我想看的書, 圖書館網頁內有購書建議的功能, 將書籍資料給圖書館, 他們一般會在3個月內購入該書, 購入後會有電郵通知我去借閱, 所以有時我會係第一個借閱的人, 同自己買新書冇大分別。
Sophie Kinsella - 由她第一本confessions of a shopaholic開始成為主人翁Becky的fan, 之後每一本都有看, 最新的mini shopaholic當然不可以錯過, 看shopaholic series跟隨Becky由未婚到結婚到成為母親, 佢喜歡shopping本性不改, 而且笑料百出, 好歡樂的書。
King's Speech - 先看電影再看書, 電影比書精彩, 此書是Lionel Logue的孫子, 整理Lionel留下的日記、剪報及信件, 按時序以記事形式帶出King George VI跟Lionel Logue密切的關係, 書中沒有一句對白。卻以側寫的形式帶出: 以英國一個講究階級的社會, 當時一位英國君主跟一位Commoner頻繁的交往並不尋常, 從而帶出2人不平凡情誼, 看完書後覺得書的餘韻比電影豐富。
去圖書館取書, 順道去掀吓雜誌, 圖書館有美版VOGUE, 港版Cosmopolitan, Bazzar, 號外等, 當然亦有Economist, 信報等等...
其實並不理解為何咁多人係書展買成車書返屋企, 買回去後真係會全部睇完? 可能我有被強迫症, 每次係圖書館最多可借6本書, 每本期限為2星期, 之後可以續借多5次, 即係最長可以keep本書12個星期, 如果係熱門書通常好多人預定, 咁就必須係2個星期內睇完還書。
這制度卻正好迫我睇書, 買書回家沒有死線, 通常都會懶懶閒, 但從圖書館借就必需按時歸還(除非願意罰款), 就算睇唔完我都寧願先還後重新再借。如果剛巧借的都是熱門書, 要係2星期內看完6本書, 其實都幾吃力, 因此在圖書館借書反令我看多了書。
雖然圖書館沒有漫畫書, 但有不少繪本如小克, 高木直子, 馬仔等, 都是my favor。
ps 為何在中國沒有公共圖書館設施?
沒有留言:
發佈留言