新玩具 (3)

2011年7月17日

今個月有3件新玩具. 呢樣新玩意都出咗超過一年, 不過早排團購特價HK$99, 心郁郁買一件來玩, 今日去旺角取貨, 好怕去旺角, 人多又雜, 拎咗新玩具後速逃。

Holoholo蝦, 聲稱唔需要喂食打理,只係每個月要加番啲x-water,補充番蒸發咗既水份。蝦既生命可達3年,咁睇下係咪真係玩到3年。

自從啲花花草草俾我種到死曬之後,已經冇勇氣再沾手有生命的動植物,今次啲蝦仔唔需要我主動打理,應該唔會有俾我直接整死既機會。

無可否認,屋企有啲動植物,間屋會有啲生氣。