番茄牛肉麵

2011年5月28日

第一次去因為不知道星期日是休息日結果摸門釘，最後行了去新記食招牌菜：豬頸肉芝士撈丁加凍奶茶。豬頸肉幾香口邊邊有少少焦，但其實豬頸肉好易整，冇乜難度，芝士撈丁:芝士味一般唔算好濃烈，小小一份豬頸肉芝士撈丁盛惠HK$37小貴，星期日又冇套餐，飲品要散叫，午餐要成HK$50仲係唔算食得飽，性價比超低。

幾個星期後再去尖沙咀，終於可以一試星座冰室的招牌菜：番茄牛肉麵(HK$24)，冇期望中的好味道，唔鍾意糊狀的湯底，唔明落咁多生粉整個咁杰既湯底有什麼好處，番茄唔算鮮甜，牛肉又係一般。不過價錢比豬頸肉芝士撈丁平好多，加埋汽水合共HK$33。係尖沙咀食午餐呢個價錢算OK。

下次還是飛快回牛頭角的北記食我至愛的豬扒雞翼通加支裝忌廉，才HK$26。