2010年我最喜愛的韓劇

2005年開始喜歡上韓劇, 2010年收穫甚豐, 看了不少精彩的劇集。

2009延續到2010的有"聖誕節會下雪嗎? "最精彩是1-4集。接著有"請摘星星給我"和"Pasta"伴我度過淡淡又明朗的春天。

由初春步入盛夏, 有華麗麗的"檢察官公主" 和陣容強大的 "灰姑娘的姐姐"

2套同時開播, 沒有時間同時追看, 先挑了華麗麗的"檢察官公主", 女主的名牌衫鞋是一個亮點, 韓劇的sponsor真大手筆。

剛追看完"檢察官公主"就被成均館的花美男俘虜, 整個金秋都在成均館內流連忘返, 一直到初冬仍不時在成均館內徘徊。

為了解成均館的毒, 轉回去看早前晾在一邊"灰姑娘的姐姐", 已經有一段長時間沒有看令人哭到亂七八糟的劇集, "灰姐"的父女情令我的淚腺大崩潰。

被"灰姐"虐完, 很幸福的走入"秘密花園", 此劇台詞之精彩, 會令你忍不住大笑, 此劇絕不能在公眾場合看, 一邊看一邊傻笑, 會被人以為是神經病。

在這裡說說秘密花園。

(一) 伏線

曹雪芹的紅樓夢有如此高的藝術評價, 其中一點是千里伏線, 另一點是隱喻, 伏線不單使紅樓夢變得更有趣味, 而且使紅樓夢在文理上前后呼應,令結構更緊密。隱喻則是借賈家的起跌, 隱喻康雍乾3代官場鬥爭。

現時韓劇編劇的高低也可從編劇埋下的伏線(或叫"小梗")到最後有沒有很好的收尾看出來, 因為韓劇是一邊寫劇本一邊拍攝一邊播映, 編劇很快就會知道觀眾的評價及迴響, 很多時觀眾的反應會影響劇情的走向, 如果編劇被觀眾帶著走很容易便兜不回開始時舖下的梗, 整套劇的結構便潰散, 所以韓劇很容易出現爛尾的情況, 看看on air便會了解韓劇的製作流程, 所以舖陳得越多的梗, 而又收得漂亮的作品, 必然是好作品, 秘密花園一開始便舖了巨多的伏線, 而在15,16集看得出金編劇開始收網, 解開伏線, 尚有4集相信金恩淑編劇不會讓此劇爛尾, 金編劇fighting。韓國偶像劇短的只有16集, 長的亦只有24集, 要在短短的劇中做到起承轉合, 合理地收尾, 很考編劇的功力。現在挑韓劇是先看看編劇是誰, 然後才看演員陣容。

(二) 精采的台詞

高智商的台詞是"秘密花園"的一大亮點。令人爆笑的台詞http://tieba.baidu.com/f?kz=959564888

(三) 隱喻/cross-reference

如果你有看過金恩淑編劇以下的劇集, 你看"秘密花園"會有更多的笑點, 劇中有些台詞暗指金編劇以前的劇集。有些人物在此劇重生, 例如: on air的Cherry, 又趙國/吳承雅的名字在x'mas party的名單中出現, 吉羅琳是City Hall中金宣兒的替身。看此劇就好像打遊戲機, 打遊戲機你常會發現一些隱藏的機關, 而理解此劇的台詞時你會不時發現一些隱藏的意思, 聽得明白的會令你會心一笑, 看得出編劇的用心&用功。
2010年：秘密花園
2009年：City Hall
2008年：On Air
2006年：戀人
2005年：布拉格戀人
2004年：巴黎戀人

(四) 佈景

看到金社長跟奧斯卡的家及花園, 口中只可以發出"嘩嘩"聲, 實在大漂亮了, dream house, dream house。

超前達標

2010年12月31日
是日放假, 約咗姐夫Mr. K練跑, 對於跑10km, Mr. K早已冇問題。我之前personal best record只係有6km, 早2日係gym練跑時小腿痛, 停下拉筋再跑都係唔掂, 最後跑咗2km就放棄, 對今日的練習冇乜信心, 都係諗住見步行步。今日起點係荃灣西鐵站往麗城花園對出的海傍公園; 預計跑到深井嘉頓後回程, 全程有10km。

跑咗10+分鐘之後小腿又開始扯住痛, 停下拉筋時都好痛, 早2日既情況又發生, Mr. K一早已超前我200+米, 我已經出咗佢既視線範圍, 唔想咁快就認輸, Mr. K又冇帶電話, 想停都通知唔到佢, 超煩, 惟有本著今日死就死喇的心態迫自己唔好放棄, 接住好慢好慢的jogging, 再跑一大段後痛楚開始舒緩, 之後過了汀九橋一段後的有一段上斜, 跑得好辛苦, 到達嘉頓之後好神奇地小腿已經冇痛, 回程跑得好開心同輕鬆, 時間唔算好好用了77分鐘跑10.07公里, 不過能夠係2010年最後一天超前達標完成10km, 真係好開心, 而且仲係在前段辛苦掙扎要不要放棄的情況下。

今日係非常給力的一天, 一直對跑10km冇乜信心, 面前好似有一堵好高的牆, 唔知自己有冇能力翻越。跨過後發現(1)自己原來都ok (2) 原來唔係想像中困難。信心同堅持係非常非常之重要, 同埋對跑步的心態有改變, 而家開始好想跑, 一諗起跑步竟然有小小開心的感覺, 同之前好唔同, 希望呢種感覺持續下去。

不過, 接著要解決2個問題: (1)解決跑初段後小腿痛的問題; (2)提速, 希望可以係60分鐘左右完成10km。

國產音樂劇初體驗

2010年12月30日

因為有免費票, 去咗睇一個叫做”我愛鄧麗君”既音樂劇, 呢個音樂劇係國產貨, 當然硬件同軟件都冇得同百老匯啲去比較, 可以說連當年的雪狼湖都比不上, 硬件係講佈景同道具, 論華麗PHATOM OF THE OPERA跟CATS係經典; 講氣勢LION KING將整個非洲大草園搬上舞台, 其他劇要追都有排。硬件唔得, 軟件更唔掂, 劇本唔多吸引, 睇歌劇一般都係夜晚食完飯至入場睇, 如果部劇節奏唔緊湊劇情又唔精彩好易飯氣攻心, 呢部未到中段就已經支持唔住。不過, 中國大把鈔票, 只要有決心追, 國家又肯落本扶持, 要做好唔會好困難, 就好似今齣劇咁, 謝幕時就發現團隊中有不少外籍人仕, 希望中國的音樂劇能快速的發展, 往後不再需要山長水遠去到歐美才有機會看到好的音樂劇, 更重要是如爸爸媽媽老一輩的都可以觀賞, 就好似當年佢地入場睇雪狼湖咁。

2010 Party Food

2010年12月25日

每年一度的x'mas聚會，以前全部食物都是叫到會，近2年開始每個單位自制一個菜再加到會。今年我的小菜是吞拿魚餅跟椒塩雞軟骨，2味都適合小朋友。

練跑記錄 - 12月份

2010年12月21日10月4日報名參加渣打10公里, 之後開始練習, 經過2個多月, 由開始時跑400米都想死, 到今天挑戰6km, 當中的經驗可算是只要有恆心鐡柱磨成針的最佳體驗。

最辛苦是頭1,600米, 開始時身體一整個不適一直會想今日狀態好似並不好, 是否要停止練習, 心中的魔鬼千方百計的叫停。跑過1,600米之後呼吸及步頻協調了之後就只需給指令雙腳要一直跑。

跑的中途曾經出現橫隔膜痛, 小腿痛, 膝蓋痛等等, 當痛的時候又會開始擔心自己是否受傷, 是否應放棄, 基本上你可以想出100個理由去放棄, 而堅持的理由卻小得可憐, 對我來說長跑這個運動的核心價值就是以身體的痛苦去磨練自己的意志。

Wonder Girl live in HK

2010年12月19日
8:30分開場, 10:00散場

表演時間雖然唔算長, 但4個女孩交足功課, 大唱大跳, 其實入場都係想聽"nobody" live, nobody前前後後唱咗3次, 2次唱韓文, 一快一慢, 1次唱普通話。又有唱Beyoncé大熱既single lady 。如果滿分係★★★★★, 咁wonder girls live in HK可以得★★★★。