2009年8月6日星期四
2009年8月4日星期二
醉雞脾
2009年8月2日
如果有追看過亞蘇既節目, 相信唔會忘記佢教整既醉轉彎。因為仲未識斬雞, 而且之前又切到手指, 所以對要用刀劈既野, 都係唔好搞住。但係我又好想整醉雞, 咁點好呢? 又是在網上搜一輪之後搵到這個醉雞脾。我係超市買已起骨的走地雞雞脾, 咁就唔需要自己斬斬切切, 又啖啖肉, 而且雞睥肉質較嫩, very good呢! 前段雞脾的處理方法來自: http://tw.myblog.yahoo.com/carol-jay/article?mid=62061; 而後段的浸泡方法就跟阿蘇。
將扎好的雞脾焗熟後浸冰水。
抹乾水後, 放入樽內浸泡。
啖啖肉既醉雞脾, 呢個綁的時候比日式叉燒難搞, 不過個形就好ok, 一點都冇散開。
日式叉燒
2009年8月3日
去食日本拉麵, 食得最多係叉燒拉麵, 究竟一片片既日式叉燒係點整既呢? 行勻所有大超市只有係cc'super見過, 不過巨貴。又係上網搜搜搜, 終於2個星期前俾我搵到食譜, 不過原來日式叉燒制作需時, 我要等到昨天先有時間動手。食譜來自: http://www.wretch.cc/blog/ikai123/12210032
將1kg的五花肉綑成桶狀, 第一次處理咁大嚿豬肉, 玩咗一陣先綁好, 綁得亂七八糟。
用滷汁煮咗3個半小時後既成品, 好像樣, 不過還有一步就係要包保鮮紙入雪櫃定型。長時間的炆煮迫晒啲豬油出來, 嚿肉出來時成嚿縮細咗, 啲棉繩有啲已經鬆開, 證明我綁得唔夠實。
雪咗一天, 今晚當然係食叉燒拉麵, 切個陣ok, 不過一煮片肉就有啲散散地, 味道ok, 最正的是一啲肥油都冇只係剩番啲膠質, 令到片肉好鬆化。掂呀! 圓片狀係日式叉燒既特點, 今次因為綁得唔夠實令到嚿肉煮時散散地, 所以今次未算好成功, 下次要再試多次。
上星期係"番番"買咗隻意粉碟, 今日終於開張。
訂閱：
文章 (Atom)