得喇,得喇,我出來喇!

2008年4月4日


Betsy姑媽話唔想我忘記媽媽生我個陣既辛苦，所以要我報導番媽媽生我個陣既情況：

媽媽陣痛左8個小時才入產房，打左催生針我都未肯出來，媽媽痛到足足吸了３支止痛氣樽，最後媽媽因為太痛所以同醫生講唔生啦，不過姑娘即刻話你話唔生我幫你唔到嫁，產房裡面除左醫生同助產士外仲有幾個護士一齊幫媽媽打氣，媽媽係產房待左一個小時用盡所有氣力先將我生出來，我出來之後媽媽因為用太多力又吸左大量止痛氣體，令到身體全身抽搐同暈，好彩之後冇事，平日好硬淨的她從來冇諗過原來生我會係咁辛苦。經歷完生產之痛後，媽媽猛告誡人要孝順父母。

爸爸都唔好過，送左媽媽入醫院後一直係病房外等，等足8個鐘，不過佢可以幫我剪臍帶，捱眼瞓都係值得既，同埋相對媽媽既辛苦，爸爸捱下眼瞓都唔算得辛苦。仲有我一出世就做左件好事，就係爸爸媽媽將我既臍帶血捐出來幫助些有需要既人。

其實我都冇為難媽媽，你睇我係個好標準既初生baby：重6磅7安，中等呎碼，手長腳長。我出世之後都好乖，冇扭偈整日都好安靜咁瞓覺，我喊都係因為爸爸同媽媽係度不斷打擾我既好夢咋。