縱橫四海

2011年4月30日星期六

【敗家誌】Chanel 2.55 Jumbo Gold Chain Lambskin Bag

2011年4月30日

姊姊有朋友去巴黎，搭佢朋友買了隻CHANEL，新袋到手冇耐係6月份CHANEL又加價，再一次驗證“早買早享受，遲買唔止貴幾舊”的說法。名牌手袋比大陸人搶貴曬係不爭的事實，比此更大鑊既係美國繼續印銀紙，令到我們手上的貨幣越來越不值錢，呢個趨勢短時間內唔會有改變，再唔入手只會更後悔。

因此我對呢類奢侈品的態度亦有改變，負擔得起又鍾意的話就出手，不會再考慮太多。

胡志明市 - 3天2夜business trip (day 3)

2011年4月30日

今天是越南4天公眾假期的第一天, 我訂了傍晚7:00的航班回港, 咁唔想打攪當地同事, 得我一個人又想消磨一天, 究竟做乜好? 我諗最好的節目就是做spa, 未去越南之前已經上網做research, 最後預訂了這間spa http://www.lapothiquaire.com/。

早上10點鐘spa centre安排一輛老爺車由酒店接(不包送), 到達前車子先駛進一條道傍均是舖滿綠色植物的小路, 最後停在一座超過100 年的古舊法式建築前, 站在大宅前, 外面繁囂的胡志明市變得很遙遠。此spa在當地屬高檔次, 用的products均是made in France。漂亮的建築物, 乾淨的環境, 寧靜的氣氛, 體貼的service, 好的spa本該如此。

我有充裕的時間, 因此挑了一個5小時的package, 收費連10%VAT只是VND2,420,000, 享受了大半天花費卻不到港幣1,000元, 好便宜哦。之後spa centre幫我call taxi到機場, 車費US$5。如果下次有機會, 一定會再到此嘆世界。
Package包括:
(1) Pick Up Service
(2) Aromatic Fresh Herbs & Essential Oils Steam Sauna
(3) 100% Organic “Detox” Herbal Tea Foot Pressure Treatment
(4) Exfoliation & Body Massage & Treatment
(5) Spa Cuisine - light lunch 包2款越南粉卷及咖啡布丁, lunch是坐在大宅後園泳池傍的樹蔭下享用。
(6) Personalized Facial

2011年4月29日星期五

胡志明市 - 3天2夜business trip (day 2)

2011年4月29日

返公司前先去賣扎肉的第一大店NHU LAN 買扎肉。買了3種不同的扎肉, 4條1KG; 2條500G, 每KG約VND190,000; US$1大約換VND20,400, 即係一條約US$9。

不過店舖既人唔識講英文, 啲招紙又係越南文, 好彩ACCT MGR陪我去, 因為種類好多, 好易唔知自己買咗乜, 有local人做翻譯方便好多。

另一樣到越南必買的就是Legendee咖啡, 同事一早已幫我買好, 250g一包VND140,000, 係香港買要3倍價錢。今次買埋沖咖啡用的dipping pot。

中午同事帶我去食中等檔次的越南餐館, 比去年好多了, 去年是帶我去酒店食buffet多失敗。

晚上另一個GM帶我去食飯, 唉還是逃不了酒店的buffet, 之後去咗一間bar聽live band表演, 後回酒店休息, 結束了在胡志明市的一個工作天。

胡志明市 - 3天2夜business trip (day 1)

2011年4月28日

傍晚到達胡志明市, 公司的當地GM跟ACCT MGR問我晚餐想食乜, 去年我任由他們決定, 點知他們帶我去食中國菜!! 因為佢地認為帶客人食牛河太寒酸, 要食得豪啲。但今年我唔客氣講明要食越南牛河。

酒店check-in後就去咗一間完全唔起眼, 但GM話已經出國既local人, 如果返胡志明市都會來這家店食越南牛河。店面2層普通麵店格局。我點了一碗mix beef noodle, 即係乜牛都有, 真係好好味, 牛肉雖不至於入口即融, 但真的很淋及入味, 牛有牛味, 隨湯河一起上既就有一大碟未煮熟既芽菜同不知名既蔬菜, 仲有黑黑的醬料。

飽後回酒店早早休息, 迎接明天的工作。

今年跟去年一樣住在Lengend Hotel, US$150一晚, 胡志明市的高樓好像越來越多。

2011年4月23日星期六

【敗家誌】Prada Gaufrè Bags

2011年4月23日

隨著Prada在香港上市，為了要向廣大的股民交出業績，意味佢的銷售模式將不可能只focus係一小撮高階客戶，客戶層面需日漸擴大，即產品將會越來越平易近人，由佢開始係中國生產皮具以增加profit margin可見佢已經放棄頂尖品牌全在意大利生產的堅持，對質量作出讓步以圖增加利潤。

越來越多的產品，令人眼花繚亂的同時，未必每款產品均可打入消費者的心，庫存量增加，過季品以不同渠道減價求售，週街都係貨，更令此品牌的鶩貴度大減。預示著此品牌離開CHANEL、HERMÈS等的級數越來越遠。

相信這兩個Prada的經典gaufrè袋可能係我對此品牌的最後支持。

2011年4月22日星期五

大牌檔美食

2011年4月22日

北記 - 牛頭角街市1樓熟食中心, 這大牌檔連OPENRICE都沒有介紹, 但在牛頭角的街坊都知道這字號, 此店是我一個在牛頭角長大的同事介紹給我, 絕少去街市熟食中心的我, 一吃之後就愛上了, 雖然環境欠佳, 但佢地啲炸豬扒同雞翼好好好好味, ★★★★★推介。

得嘗珍餚百味當然好, 但這家的豬扒跟雞翼通粉餐是我的至愛, 係搬遷到這一區後的一大收穫。在各食肆均續漸被大型連鎖餐廳壟斷的情況下, 這些小店越發值得珍惜及支持。這個改飲忌廉的套餐才HK$26, 但每一次食時都好滿足, 覺得自己生活得挺幸福。好似好誇張, 但確實如此。

2011年4月11日星期一

韓式炒年糕

2011年4月11日

我不單喜歡看韓劇, 更因此而喜歡上韓食, 在國內工作時練出吃辣的習慣。韓國的辣相比四川的麻辣, 算是容易接受。現在家中冰箱中必有辣白菜壓場, 如果沒有青菜吃就用辣白菜頂替。

辣白菜炒年糕: 先將年糕用滾水煮至軟身, 再加入辣白菜炒至乾身便可, 5分鐘攪掂, 又係一道懶人餐。

2011年4月2日星期六

【敗物誌】Givenchy Nightingale pony printed medium shoulder bag

2011年4月2日

豹紋係近年熱爆的圖案，手袋皮鞋唔再係只有一種色，各大品牌又多了一樣貨品可以賣。咁我都唔執輸入手了這個豹紋袋湊吓熱鬧。

2011年3月27日星期日

Tolo Harbor 10km #842

2011年3月27日

(跑完4公里, 開始進入第5公里)

生性懶散, 要保持自己繼續跑嘅恆心, 最好就係參加公開賽, 有目標就有繼續鍛鍊的動力, 今日跑了第5屆吐露港10km比賽。

(最後100米)

之前睇一些運動節目的採訪, 常聽到"冇狀態", "傷患困擾" 其實唔係太明暸其中的情況。跑渣打10km前膝蓋受傷, 令我體會乜野係受傷, 無法運動既情況。跑完渣打10km後一星期復操, 完全係冇mood冇勁, 成個人好頹廢, 終於知道乜嘢為之"冇狀態"。吐露港10km前一星期, 先去跑一次探路, 3月18日(星期五)跑了5km, 隔兩天3月20日(星期日)一開跑, 小腿就係曬乳酸, 邊跑邊酸痛, 跑+行8.5km就用了1:14, 最終都係完成不了10km要放棄。吐露港10km係一個小型比賽, 參加人數限制為1,000人, 參加者相信都係喜歡跑的人, 不似渣打10km什麼人都有, 有一大班沒有準備的人做墊底, 但今次就唔會有呢類人做墊底, 壓力大好多。休息了一個星期, 其中又唔敢練習, 冇狀態又夾硬練只會受傷, 好擔心星期日會唔會好似上星期咁跑唔到。開跑前熱身時仲係惴惴不安, 上星期日的陰霾揮之不去, 真係唔知自己今日狀態如何。而且身邊既參賽者無論男女個個都好pro既樣, 好緊張。今日天氣預告: 天陰寒冷早上有雨, 45分鐘前(即早上8點鐘)到會場取號碼牌及計時晶片, 吐露港又大風又凍, warm up完好快又cool down, 幸好冇落雨, 否則更凍更辛苦。

一開跑好開心的發現上星期的乳酸冇出現, 不過要逆風跑, 一邊跑一邊吹到流鼻水。邊跑邊小心注意雙腳的情況, 膝蓋有沒有很大壓力, 小腿有沒有酸痛。不過果然係高質素比賽, 一開始我就不停地被人過頭, 跑了一半就見到對面線帶頭個班人已經向終點前進(最快返終點的時間好似係33:20, 快過我的時間一半有多)。跑完6km都冇特別情況發生才放下心頭大石, 開始放開跑。第一次同人鬥快: 由7km開始發現有一個高瘦帶黑超黑帽的男跑手(#3146)係我傍邊, 佢跑的戰略好奇怪, 佢係快跑一段又行一段, 我就一直以均速跑, 所以佢行時我會跑在他前面, 佢跑時又會追過我在我前面, 最後3km就係咁我跟他不停交換帶頭位置, 幾次後佢成為我的假想敵, 最後1km我拼盡跑, 希望可以快過他衝過終點, 雖然因為體力限制, 有點力不從心的感覺, 幸好衝線時我沒有被他追過, 叫做有一個小小的勝利。最後好幸運地我早前擔心的事情完全沒有發生, 而且還創出自己10km的personal best record以大會chip time 1:07:14完成。再一次證明休息跟訓練同樣重要。而且天公造美, 跑完後11點多才開始下雨, 給了我們一個適合比賽的好天氣。