縱橫四海: 10月 2010

2010年10月31日星期日

練跑記錄 - 10月份

2010年10月31日

10月4日報名參加渣打10公里, 之後開始跑, 經過1個月原來真係唔係有一對腳就ok。如成均館李先堎所言(我真係追成均館, 追到上矖腦) , 最重要的不是竅門, 而是人本身, 沒有練成一副合適的身體 (射箭有射箭要求的體質, 跑步有跑步要求的體質), 很難獲得好成績。

日期 : 10月5日(Tue)
地點 : 九龍灣運動場
活動 : jogging + walking
訓練時數 : 19:37分鐘
訓練長度 : 1.8km
註 : 第一次去九龍灣運動場試跑, 結果只係行咗1.8km, 就已經腳軟。

日期 : 10月7日(Thur)
地點 : 佐敦谷晨運徑
活動 : jogging + walking
訓練時數 : 26:40分鐘
訓練長度 : 2.59km
註 : 早上好多公公婆婆在此處做早操, 條路又窄, 唔太適合練習。經過早2日的體驗, 叫自己放輕鬆, 主要係試場地, 睇吓以後可以係乜野地方練習。

日期 : 10月12日(Tue)
地點 : 佐敦谷晨運徑
活動 : jogging + walking
訓練時數 : 36:10分鐘
訓練長度 : 2.4km
註 : 仍然係龜速平均15分鐘一公里, 同平時行路冇乜分別, 好快腳軟, 明顯體能不足。

日期 : 10月14日(Thur)
地點 : 佐敦谷晨運徑
活動 : jogging + walking
訓練時數 : 25:55分鐘
訓練長度 : 2.58km
註 : 早2日實在跑(行)得太慢, 今日要跑(行)快啲加速, 平均10分鐘一公里, 仍然係龜速。

日期 : 10月17日(Sun)
地點 : 九龍灣運動場
活動 : jogging + walking
訓練時數 : 35:35分鐘
訓練長度 : 3.52km
註 : 今日去運動場練習, 要求盡量跑耐啲, 速度不限, 睇吓自己的耐力去到哪裡, 跑咗半個鐘就陣亡。

日期 : 10月24日(Sun)
地點 : 九龍灣運動場
活動 : jogging + walking
訓練時數 : 36:21分鐘
訓練長度 : 3.54km
註 : 下星期要做體能評估, 唔練習一定死梗, 要求自己起碼跑半個鐘, 主要練耐力, 速度不限。

日期 : 10月24日(Sun)
地點 : 理工大學
活動 : 10km訓練班 - 第一堂Introduction course
註 : 基本知識, 原來跑前不需要拉筋, 反而跑完及平時的拉筋更重要。

日期 : 10月30日(Sat)
地點 : 將軍澳運動場
活動 : 10km訓練班 - 第二堂體能評估
訓練時數 : 17.5分鐘
訓練長度 : 2.4km
註 : 第一次沒有停頓的跑2.4km, 而且係以自已最好的時間平均7分半鐘跑1km, 跑完覺得雙腿不是自已的, 好索氣。做快跑測試時拉傷右邊大腿肌肉, 非常痛。幫我keep時間的哥哥, 當每次經過他時, 佢除咗報圈數外, 仲會叫我加油, 第一次體驗有人係傍邊幫你打氣既feel, 又真係幾好feel。

2010年10月30日星期六

香蕉蛋糕

2010年10月30日

自從一個人住後,已經很久沒有焗蛋糕,以前同屋企人住,新鮮焗出來的蛋糕不消片刻便被家人消滅,現在焗出來只有我一個人食,太沒意思了。今日去探望younger brother一家仍在裝修的新居,佢地日忙夜忙間屋既裝修,相信都係冇啖好食,所以焗了一個香蕉蛋糕給他們打氣。

2010年10月25日星期一

成均館緋聞

2010年10月25日

雖然"瑪麗外宿中"來勢洶洶, 但成均館緋聞絕對是我在2010年中看過10多套韓劇中最好看的一套, 不過還有3集才結局, 希望男主角朴有天在亞洲的show case唔會影響收尾的拍攝, 如果爛尾的話相信是我今年的一大遺憾。

故事大綱: 是一部爱情历史剧,时代背景是朝鲜时代 (約400年前) .这部电视剧改编自小说《成均馆儒生们的日子》,讲述女扮男裝的金允熙(大物)和才貌双全的李先埈(佳郎),桀骜不驯的文在新(桀骜),花花公子具龙河(女林) 之间的友情和爱情, 堪称古装版花样男子。而成均館就是當時朝鮮的國立大學。

此劇令我crazy之處是: (1)人物性格鮮明 - 無論是4位主角抑或是配角, 角色的塑造均很飽滿; 很少劇集我是男一男二男三均ok, 順石也覺得很可愛的說 (2) 劇中小梗和對比很有意思; (3) 雖然係青春偶像劇, 不獨在愛情方面, 在父子, 朋友, 主僕, 君臣之間的情誼也有很好的刻劃; (4) 韓劇的配樂一向悅耳, 此劇的配樂尤其用心, 對觀眾入戲有莫大的幫助; 及(5) 既然是說大學生活, 對課堂內容(即古籍: 論語, 大學)等的內容沒有敷衍了事, 在韓劇中聽到『大學之道,在明明德, 在新民, 在止於至善』唔到你唔服。強烈推薦!!

2010年10月24日星期日

JYJ HK Show Case

2010年10月24日

首先申報, 我是因為成均館緋聞的主角是東方神起的一員, 才去八卦東方神起, 才知道東方神起原來已拆夥, 其中3人另起爐灶組新樂隊叫JYJ, 昨晚晚餐才知道JYJ今晚在香港有表演, 我超鍾意睇live show, 只有live show才可真正睇到歌手的功力, 馬上訂票, 因票價實在貴, 所以距開show前只有21小時仍可買到票, 就這樣今晚就去了看JYJ 2010 show case。

60分鐘的表演, 其中唱了5首歌, 做了一個訪問, 票價港幣1,180。看似很貴, 但當你不知道還會不會有下一次的時候, 一切都是值得。

JYJ三子跟舊公司(SM Entertainment)的官司越演越烈, 韓國樂隊的競爭又如此的厲害, 如果沒有很強的實力, 年紀一大就很容易被淘汰, 東方神起在韓國迄立6年還攻克日本, 非常的不簡單, 但脫離東方神起的3人, 另起爐灶能否延續他們之前的輝煌, SM Entertainment會否要致他們於死地, 均是未知素, 錯過今次live show會否有下一次, 真的是天知道, 不想錯過。

雖然只唱了5首歌, 但敢說香港的歌手/樂隊沒有一個能達到此水平, 全部要企埋一邊, 三位6呎靚仔猛男邊跳邊唱但歌聲一點都沒有失真, 跳舞動作型爆, 流暢之餘又整齊劃一, 現時在亞洲區真的只有韓國樂隊可以達如此專業的水平。視聽享受本該如此, 雖說荷包出血都幾肉痛, 應該多唱幾首歌,不過品質搭夠, 仍然覺得值。

感覺朴有天好像比較累, 後來睇報紙才知道JYJ是中午由上海飛香港, 晚上演出完畢後朴有天是馬上飛回韓國為成均館趕戲, 蠟燭兩頭燒, 做當紅藝人多辛苦。