上海世博5天遊 - 第三天

2010年8月14日

第一站 - 阿娘面

阿娘麵一日只做3輪每輪大概3個小時, 夾唔啱時間或太遲去都冇得食; 第2輪在11:00開始, 我們在11:15到達時店內早已坐滿人,我點了最出名的黃魚麵, 黃魚是將細細條的黃花魚拆骨起肉, 肉嫩味鮮, 店一出名給出的份量就下跌似乎是不變的定律, 早幾年阿娘仍駐場, 黃魚滿滿的舖在面條上, 睇見都開心, 現在味道仍然好OK, 不過黃魚的份量就小了很多。

第二站 - 田子坊

以前田子坊主要賣local designer的出品, 店面各有特色, 不過出了名以後, 已經變得太商業化, 賣的東西都是旅遊區的商品, 等如香港的赤柱大街。想認識上海以前的石庫門建築還可, 想淘一些特色的local design恐怕會失望。

第三站 - 丹

"丹" 在田子坊薄有名氣, 最出名是咖啡,可惜我不喝咖啡,出名的綠茶紅豆蛋糕又賣完,惟有試提拉米蘇, 味道不過不失。

第四站 - M50 (莫干山路50号)

上海其中一個創意工業園, 以賣畫為主, 由多棟紡織廠改建, 不過不是每一家均有空調, 大熱天走在沒有空調的GALLERY, 賞畫的心情大減。

第五站 - 半度雨棚 下午茶

實在太熱, 冇心情賞畫, 走入園區內的CAFE嘆下午茶, 拙樸的板凳, 輕鬆的氣氛, 睇下雜誌捉下棋, 可以好悠閒的過一個星期六。

第六站 - 上海老飯店

涼菜: 馬蘭頭, 醉雞, 熏魚, 四喜烤夫
清炒野生河蝦仁
清炒蟹粉 (Rmb50一兩, 這一碟有4兩), 除了八寶鴨外, 另一必吃的菜, 可惜現在仍未到吃大閘蟹的時候, 不然蟹膏會更多, 在香港沒有可能用調羹大啖大啖的吃蟹粉, 在老飯店就有這道清炒蟹粉。
當然有點招牌菜 -- 八寶鴨, 不過鴨身已比我當年吃的小許多。

第六站 - 豫園
吃飽後逛逛豫園幫助消化, 可惜大家個胃大FULL, 不然可以係南翔小籠包再食多半打小籠包。

第七站 - 新天地

有人沒有去過新天地, 反正新天地離豫園不遠,咁就順便去逛下。

第八站 - Afternoon Tea

夜晚9點幾仲係熱辣辣, 走入新天地間Afternoon Tea飲番杯凍飲, 我叫了杯荔枝覆盆子凍飲, 完全冇荔枝味, 應該跟一小杯覆盆子汁, 第一次送來時漏了, 要問侍應才補回, 不過加埋覆盆子汁, 仍係味淡如水。朋友飲沙冰就好一些, 整體來說飲品好唔得。

第九站 - 返酒店