草蜢演唱會

2014年6月7日

第一場亦係第一次睇草蜢的 live，如預期中好，仲有Kelly Chan同cool魔ChiLam做嘉賓，big bonus。

梳理3千煩惱絲

2014年6月7日

最近因為轉用手工皂洗頭，而對髮品來個大革新，Tangle Teezer係朋友推薦，另一把譚木匠就係網上search，強大的工具陣容加上手工皂，希望能理出一把黑亮健康的長髮。

過端午節

2014年6月2日

應吓節食我至愛又係最basic的蛋黃咸肉糉，唔係好接受到啲新款既糉，都係傳統既得我心。另一主角就係新寵Wedgwood的tea set，應該用來盛蛋糕的蛋糕碟，今日用來盛糉，另類fusion。

Hamanaka - Span Glass 夏線

2014年5月29日

又係某日本集運公司每年一度的大減價，買夠JPY10,000，重量2kg以下免運費，只需付handling fee，最best buy莫過於毛線，所以入了下面的貨，不過近排又有新興趣好忙，要度時間動工。第一件應該係Shirley的夏天版。

電眼睫毛

2014年5月24日

以前一直係美容院做3D電眼睫毛，不過美容院唔願做，做呢個就唔可以做eye treatment，如果要整得靚要花美容師好多時間，而且唔似其他eye treatment可以收好貴，一直光顧的美容院近年已經冇咗呢項服務。

之後惟有轉用Panasonic電熱睫毛棒，效果麻麻，每日都要整好花時間。

早一星期決定自已動手，淘了套自助電眼睫毛kit，今日開工，好ok，啲藥水唔刺激又冇難聞的味道，因為未熟手，眼頭眼尾電唔到，套kit可以用好多次，練習多幾次應該會更好。

煩惱絲

2014年5月24日

用了手工皂洗頭一個半星期，網上說的由洗髮水過度到手工皂的問題，係我頭上冇得幸免，洗頭時頭髮好澀，用5指梳都唔得，網上說頭濕時是不可用5指梳，有用起泡球，用梘洗完blow dry後，頭髮痴埋一餅，用梳一梳成把梳都係髮垢好恐怖。可見以前使用髮品的chemical coating幾咁厲害，天氣熱長頭髮仲要頭髮係痴埋一束束，死未！！

馬上買2只新梳，希望用新產品，盡快梳走髮垢，將此好難頂的過度期縮短。

用在“xx”handmade soap買的洗頭皂，so far ok，因為仲跟髮垢搏鬥中，暫時未見有乜特殊效果。

白色的就是髮垢，好恐怖，洗完頭blow dry後一梳就係咁既樣。

一蘭拉麵

2014年5月24日

難得出城，出城午餐必會食拉麵，今次終於到一蘭，星期六午餐時段，等位要40分鐘，揀咗濃味湯底有點偏咸，但食完後一啲都冇口乾，證明應該冇用味精，拉麵外加半熟鹽煮蛋及义燒，半熟蛋ok，义燒“鞋口”並非入口即溶，豚王的义燒真係正得多。一碗麵+半熟蛋+义燒=HK$89+HK$12+HK$20=HK$121。價錢跟其他拉麵店比較，普普通通唔係話特別貴。

Calf Lift

2014年5月24日

繼續post SOGO感謝祭的敗物，今個夏天的目標係瘦小腿，之前小腿已經有肉地，練跑後跑完之後冇拉筋及按摩，攪到小腿爆肌，現在每星期2-3次碌Tripollar Pose，希望再加上呢支加強效果，能回復slim slim的線條。一set盛惠HK$520。如果有效果，會再開post介紹。

第一套Wedgwood

2014年5月24

趁SOGO感謝祭，買了第一套Wedgwood瓷器，不過我唔飲茶只間中飲咖啡，所以只可以當咖啡杯用，希望唔係曝斂天物。Narumi Felicita系列的coffee spoon不過唔係bone china，只係普通porcelain，一只HK$50有九折再加上Sogo Card再有折，價錢ok敗了4支，唔小心打爛都唔會好肉赤。

法式新餅店

2014年5月18日

樓下商場有新的法式餅店開張，當然要支持下，試了香芒熱情果mousse撻及朱古力蛋糕，

不是十分驚艷，ok好味。