2015年10月31日
白蘿蔔及豆的發芽率好低，
今日補了種子
蕃茄繼續長大中
跟朋友合共買了12球紅百合及25球劍蘭，
希望趕及農曆新年開花
種了半年的杭菊5-6棵死剩1株，
幸好終於等到有花苞。
今日收成
2015年10月31日星期六
2015年10月29日星期四
新玩具 - 日本窩夫機 (2)
2015年10月29日
繼續試新模 - Pizzelle
材料做法跟買機送的烹飪書
鬆脆好味，不過用好多牛油及糖，
屬小吃多滋味，要另尋健康啲的食譜。
用Hot Sandwich模整西多士，
尚有改良的空間。
2015年10月28日星期三
Coloring therapy (21)
2015年10月28日
第11幅水母完成#TheColorful
第12張回歸Secret Garden
曬筆，在日本買的色辭典，粉色及螢光色超靚，
加一集dull tone最啱秋天mood
2015年10月25日星期日
八鄉園圃樂 (42)
2015年10月25日
日本蕃茄有果喇，
希望下星期有得收
今日整好白蘿蔔田下種子
以及下了美國地豆及法國豆角種子，
另紅菜頭，金菜頭
及漸變色櫻桃蘿蔔生長良好
由夏到秋白茄仍不停結果，辛苦了
今日收成，時蘿是農友贈送的
2015年10月23日星期五
Coloring therapy (20)
2015年10月23日
第10幅2日填完主體，
未諗到背景點塗，
暫時放埋一邊先。
第11幅from The Colorful
又開新書，簡單的水母，
最難相信都係背景。
2015年10月21日星期三
Coloring therapy (19)
2015年10月21日
難得假期可以宅在家
努力完成第九幅
呢幅係現時為止最不滿意的一幅，
不過呢本圖案好多又好花，配色有難度。
第十幅from Animal Kingdom，畫完張複雜揀張簡單的來填。
2015年10月18日星期日
2015年10月14日星期三
2015 京都大阪遊 (6) 購物篇
2015年10月14日
孝敬父母親，幾重都要拎。
等220v版等了3年終於俾我等到，
預先入定不同款烤版。
高筋，低筋，烏冬，Pancake粉，應有盡有。
Green Farm水耕必需的植物營養液，仲有小小種子。
上面就是超重的4大元兇！！
每次敗物都係圍繞自已的興趣，廚房嘢，美容，買衫及食物上面。
興趣：anteprima wirebag 的原材料，可以編織自已獨有的wirebag喇
工具：終可完整的擁有一套日本針及一套勾針，
呢套日本勾針超靚。
敗了小小冷，加上屋企的存貨至少可以織3年。
入了第3集的色辞典，有螢光色。
一本數字填色書，一本技術書，幾支散裝色鉛筆。
填色書增至九本，不知要塗到猴年馬月。
除了去outlet，每次來日本都會去GU入番啲基本嘢。
今次仲有我的第一個BAO BAO
美容嘢都只係入咗小小貨。
廚房嘢：除了vitantonio及LC，
就只有呢個心血來潮想買的磨芝麻工具
大手入了不同種類的麵粉，再入多小小調味，算好忍手。
2015 京都大阪遊 (5)
2015年10月14日
今日回港前行程只有一個，就是行Rinku Premium Outlet。
係日本買LC同香港開倉價差不多，
香港LC服務之差，開倉時之混亂，我早已敬而遠之，
寧願係日本樂天買再寄回香港，總好過係香港辛苦排隊兼受氣。
其實唔係平好多，下次可以考慮skip outlet。
機場最後衝刺，有3兄弟薯條，北海道蟹肉拉麵，
孝敬媽咪的Royce朱古力，跟curry杯麵，
在京都便利店見到cheese & curry杯麵諗住大阪都會有，
點知遍尋不獲，惟有買2杯curry杯麵交差。
上次去台灣6.1kg上機，回港時23kg己經算破紀錄。
今次都係6.1kg上機，回程行李重32.6kg，
坐premium economy有25kg行李quota，
今次回程航班好似冇premium economy
因此可再upgrade去business，
airline俾多5kg buffer，最終超了2kg，
每1kg要收US$10，咁慳家的我當然馬上係旅行袋
拎番啲出來，最終30.9kg上機。
所以坐premium economy係明智的選擇，
比坐經濟倉多10kg行李quota已經好好用，
一個不巧再upgrade去business真係賺到笑。
點解行李會咁重，下回分解。
因為要爭取時間shopping(買衫好花時間又要睇又要試)
所以skip lunch打算到機場check in後食，
到check in時知道upgrade了去business class，
咁可以去lounge醫肚，又可以慳多小小錢買多盒三兄弟。
飛機上的牛排餐。所以說今個trip I am so lucky。
基本上全個trip都好smooth(多小跟我有好好做planning有關)，
各方面冇乜失預算，天氣又好，
最失敗都只係買唔到黑豆茶，sorry喇各位sisters。
2015年10月13日星期二
2015 京都大阪遊 (4)
2015年10月13日
今日全天購物日
早上到道具筋街傍的松屋食早餐，
一個最便宜的烏冬JPY180。
在京都食過名代後突然心血來潮想買番個
磨芝麻的碗及木棍，本來道具筋街不在今次行程內，
今早特別到此走一轉買了心頭好。
之後順路去淳久堂書店睇最新興趣：填色書，不過貨色跟香港的差不多，
雖然如此但沒有空手而回都俾我買了2本書。
跟住去Tokyo Hands繼續睇有關填色的東西。
中途去Mon Cher食蛋糕。
又係秋季新品，栗子綠茶蛋糕，
蛋糕底係紅豆mochi再包上綠茶忌廉蛋糕，
中間是黃色是南瓜蓉，
上面是原粒栗子及栗子蓉，
又靚又美味。
Mon Cher 性價比高的蛋糕店
去完Tokyo Hands及Kawachi睇文具及廚房雜物
回到道頓堀，食香港近期大熱的流心芝士蛋糕。
只有在道頓堀的Pablo有堂食。
剛到2點鐘，女侍應會跳舞娛樂食客。
之後到藥妝店／LOFT／3 coins
／afternoon tea／高島屋supermarket
等血併，完後將戰利品拎回酒店，
休息一會後又再回道頓堀的一蘭食晚餐。
食飽逛黑門市場的2家超市，
可惜仍買不到shopping list上的黑豆茶。
趕及在高島屋關門前買明天的早餐。
訂閱：
文章 (Atom)