【敗物誌】T牌射頻機

2013年3月31日

呢部都係bk"美容扮靚"內被jm毒的東東，22日落order，件貨由以色列寄出，28日收貨。

家用射頻機由去年中開始好heat，功能可以去紋、去眼袋、收細毛孔、去黑眼圈，有咁既功效真係不得不乖乖淘錢包買下。

用了2次stop感覺良好，塊面感覺細緻咗，同有小小uplift效果，不過說要做一個半月先至會見到明顯的功效，到時再報告。

至於pose，我沒有抱太大希望，因為我冇水腫，又唔係有好多脂肪，只係肉肉比較多，pose所針對的問題跟我的唔係好match，又要花時間做，相信我唔會堅持得好耐，不過見一套買比較抵就順便買埋，睇下小肚腩會不會消失。

Monin syrup

2013年3月30日

其實買Nespresso coffee machine最大的原因係佢：monin syrup，當日係ocean terminal個promoter整了杯加了caramel既coffee我嘆，飲完即刻落搭，之後千方百計要買番支caramel，因為monin在香港冇零售。當時係九龍灣的一家代理買要HK$85一枝，除caramel外，再買了一枝vanilla。

時光飛逝，2枝就快用完，bk啲jm報料原來捷榮有monin賣，可以打電話訂，價錢比之前買的要便宜，而且滿6枝免費送貨。

wahaha，早兩日落order，約今日收貨。今次試多啲味道，除了喜歡的caramel外，有Rose(可以係屋企整 agnes b的 Rose Latte), Ginger bread, Macadamia nut, toffee nut, mocha, irish cream。啲syrup唔單止可以代替咖啡糖，仲有好多用途，例如整不同香味的雪芳蛋糕，甜品等等，好心急想試均咁多隻味道。

九陽- 黑芝麻糊

2013年3月27日

用九陽整芝麻糊快靚正。

材料及做法：
黑芝麻1杯（用跟機量杯）
白芝麻半杯
黑糯米半杯
原糖適量
用白鑊炒黑芝麻、白芝麻及黑糯米。
炒好才用筲箕清洗芝麻等去雜質。
將所有材料及水放入豆漿機。
先用干豆mode煮一次，攤凍一會，
再用五谷mode煮一次，完成，又香又滑。

日前還整了黑豆漿和粟米汁，yummy。

Cherry Tomato Update (Day72)

2013年3月22日

上次報告Cherry tomato開始結果，之後我大修了一次，大修之後整株cherry tomato停止了生長，我當然好驚啦，唔知係咪剪得太多葉，影響光合作用。

大修後過了幾天，早上起來見到其中一株倒下，馬上set起跟機的trellis system，扶番起株植物，株植物倒下相信係因為上重下輕。現時cherry tomato的果實全部停止了生長，但植物吸水等一切正常，現在惟有繼續耐心等待果子成熟。

出事後，好多花開後再沒有結果，而係枯死掉下，起碼有20+朶，不過今日係第一次見到小果實掉下，好傷心。

新的aerogarden a 貨，菠菜、生菜＆油麥菜全部發芽失敗，只有菜心及空心菜ok，將空出的位置改種菜心及空心菜，空心菜長得很好，菜心比較遜色。

【敗物誌】RV & H

2013年3月23日

bk真係好毒，無論係烹飪錦囊、潮流時尚定美容扮靚，蒲得多好易被燒著，呢幾對係過年前被潮流時尚燒著的items。

另，早排出開省城，去巡舖時買的小物。

【敗物誌】九陽豆漿機

2013年3月19日

又有新玩具，今次係俾烹飪錦囊內的jm毒到（早2日先被美容扮靚的一條thread俘虜，荷包大出血），佢地放整好的豆漿又豆腐花又芝麻糊又杏仁茶上bk，仲post埋食譜，真係唔中毒都幾難。

呢個唔係最新model，最新model要去淘寶買再運返來，好鬼煩，呢部平平地，啲function又差唔遠，玩住先，唔係樣樣都要最新最貴先叫好。

第一機當然係最簡單的豆漿，預先將黃豆浸3小時至發大一倍，其餘就交俾豆漿機完成，只要20分鐘就有豆漿飲，good呀。

畫太陽花

2013年3月10日

自問係一個停不下來的人，一有時間就要搵啲新攪作，有次去開書店有水彩鉛筆的示範，心郁郁想買來玩吓，淘到一盒72色唔係太貴，去圖書館借本書試吓跟住畫，咁就消磨一個下午，不過未完成，只係完成了個大概，功夫還在後頭。

Cherry tomato果實纍纍

2013年3月10日

今日係cherry tomato滿2個月大，見到果實纍纍有不勞而獲的感覺hahaha。為了果實長得更好，幫2棵果樹大修，剪去枯葉、換水及加養份。大粒的有魚蛋咁大粒，唔知要等幾耐啲果實才會由青變紅？

最下層的葉因為冇乜光線，大部份都枯萎，剪走枯枝及葉無謂浪費養份。

個aerogarden仲可以再調高一格，不過cherry tomato好似停止增高，用全力結果實，睇住啲果實好似吹波糖咁，由一粒芝麻size長到粒魚蛋咁大，amazing!!

吽菇

2013年3月9日

淘開又試多一樣玩意，吽金菇，供貨的舖頭係淘寶評價ok，應該信得過，10+人仔，不需太認真。白色的應該是菇菌，3+星期有得收成，一包出3斤菇，唔知有幾真，要試過至知。


其實在家種菇係美國及台灣很流行，台灣有家叫”就是菇”已經將養菇產品化，在美國更盛，amazon上可search到一大堆，只係香港尚未普及這玩意。

Window Farm Update

2013年3月9日

又update下 window farm的狀況，之前將aerogarden多出的cherry tomato移植到window farm，及後送出2棵，現在window farm尚有3棵，cherry tomato真的很粗生，係window farm冇穩定的光線 (主要靠太陽光，及光管補光）下仍生長得很好，亦開始開花同有果實。

另外移植了3棵生菜，好瘦弱，同埋唔係好翠綠，要研究研究是否隻營養液唔夠好。又移植了2棵白菜，長大了不小，但比較起aerogarden就強差人意。

aerogarden 新成員

2013年3月9日

中國不愧為世界工廠，低tech產品只要耐心找尋，一定搵得到，今次俾我係淘寶淘了個國產aerogarden，基本上原理一模一樣，呢件仲係舉一反三，標榜一機三用：種植器、枱燈及魚缸。

順便淘了些種子，暫時結論係cherry tomato及白菜均適及水培，今次試下放菜心、菠菜、空心菜、lemon balm、油麥菜及奶油生菜的種子，看看哪一種適合水培。

三台aerogarden並列。

Cherry tomato 有果實喇

2013年3月3日

上星期棵cherry tomato開了好多花，我每天就用手撣樹幹幫助授粉，估不到今天就見到有小指甲大的果實。暫時見到大大小小的tomato有10粒左右，好鍾意呢種種植法，乾淨又冇虫害，以前見到啲泥有虫，我就混身不自在，巴不得將成盤植物掉去垃圾桶，現時冇用泥，每日加水，下面有水泵讓水流動不會吽虫虫，雖然收成不多，但已經好滿意。

It's really exciting to see the cherry tomato bearing fruits.